Ni3.March.2011 atang khan Presbyterian Kohhran Hmeichhia te chuan Kawnpuiah Inkhawmpui Lian vawi 44-na an hmang tan a. Naktuk Ni 6.march.2011 (Sunday)zan hian a tiak ang.
He Inkhawmpui hian Nimin(Ni 4.March.2011)Ningani zing dar 6 atang khan Kawnpui Hmarveng Kohhran Biak In ah Inkhawmpui Committee an thu a. Rorel palai 386 te chuan Hmeichhiate Ordain Minister neih ve an duh. Ramhlun ‘N’ Bial atang thu lut “ Presbyterian Church Of India hnauaiah lo hian Hmeichhe Theology Degree nei, a awm leh phute chu Pastor/Minister atan nemngheh (Ordain) theih ni ve rawh se” tih agenda chu sawiho a ni a. Rorel palaite hian hethu hi lungrual takin an pawm tlang a. Senod Executive Committee-ah thlen nise an ti.
Sawihona lamah Central Kohhran Hmeichhe hruaitu pakhat chuan, "Mizo hmeichhia zingah mithiam tak tak, rawngbawlna pawimawh taka hman an tam tawh a; kan rawngbawlpui Kohhran ten Nemngheh an neih theih tawh laiin Presbyterian Kohhran hian Hmeichhia kan nemnghet ngai lova; Nemngheh leh nemngheh loh hi Kohhran anga rawng kan bawlpui ten an ngaihdan a danglam thin a; kan Kohhran ah pawh hian a tul tawh a ni" a ti.
Thurel langsar zingah Bial Buhfaitham Ziaktu Term kum hnih ni thin chu Bial Puipa te Term anga kal rawtna te; Bial Hruaitu Nominate Kohhran tin inzat theuha siam aia Kohhran member zira siam rawtna te chu Synod Executive Comt ah thlen te; Bial Hmeichhe Inkhawmpui hun inang hman te; Women Centre Special budget atana cheng Nuai 7.2 dah te an passed a; Inneih sawngbawl dan hautak lo chungchang sawihona chu Synod Social Front hmalakna zawm turin an inchah a; Mizo hmeichhia te incheina chungchangah pawh Synod thuchhuah behchhanin Central Committee in hma la se an ti bawk.
Rorelna Floor ah hian Pastor Bial 16 te thu theh luh chhawp chhuah a ni a; Bial 20 te thu thehluh erawh chu Central Comt in hrilhfiahna siamin Floot ah a chhawpchhuak lo.
Kum 2011 - 2012 chhunga Kohhran Hmeichhe budget atan cheng Nuai 26.45 an Passed bawk. A hmanna tur pawh an siam nghal. Nizan Inkhawm ah Jubilee hawnna neih a ni a; Vawiin chawhma khan Jubilee Pual inkhawm neih a ni a; Synod Moderator in Mizoram Synod aiawhin present a hlan.
Hruaitu thar
Central Hmeichhe hruaitu
Chairman : Pi Laltlanmawii Chanmari Bial, Synod ruat
Vice Chairman :
Pi Khawlvuani, Hlimen Bial
Gen Secretary : H Lalpianthangi Asst Coor Synod ruat
Asst Secretary : Pi Laldawnkimi Ramhlun Bial
Treasurer : Pi Lalsawmliani Bawngkawn Bial
Fin Secy : Pi Liankimi Missionveng Bial
Mikhual zat
Reception lamin an chhinchhiah danin, vawiin Dar 2:00pm thleng khan palai 40000 an tling tawh a ni.
Tunah hian Palai hi an lo la thlen belh zel a, beisei dan chuan Pathianni(Sunday) hi chuan palai 5000 an chuan beisei a ni.
Hmeichhe ho hian mipa tluk ve phet hi an tum a, theih tawpin hma an la thin chu anih hi maw. Mahse an thiamna leh theihna in a tlin miau si chuan duhleh lo pastor mai mai ang hmiang maw le. Hmeichhe pastor an tam hunah chuan an thu a nawi thei nek nek khawpin ka ring.
ReplyDeleteHmeichhe incheina chungchangah chuan tan an lak thar viau chu a ngai khawp mai. Mipa tisa chakna hip chhuah tum tlat zawnga inchei an uar tulh tulh hi chu an vei har ka ti asin. An changkang tulh tulh a, an ha pan tial tial a, an inhreng mar tial tial bawk. Mahse kei chuan sawisel theihna ka nei lo. An hak mar poh va, an fen chhin poh leh a hmuhnawm ting a ni mai.
Hmeichhia te hi rin aiin zirna lampang an ti thei a, theologian pawh an tam tawh hle. Ordain mahse ka pawi ti lo. Mahse an thuhnuaia kun chu ka phur vak lovang....
A vanla tul lo tak em kati kei chuan. An thuhnuaia ka kun hreh vang ni lovin hmasawnna tamtak an dal thei. An thu hi a nawi ve a nia hmeichhe hlang awmkhawm ngat phei chu.
ReplyDeletehmeichhe fel tak tak cu an tam toh mai,mahse kei chu kohhran puipa tak tak tur chuan ka duh lo hulhual ani
ReplyDelete