Thenkhat chuan, kumhlui mual liam mai tur chu ngaiin an lung an tileng ngei ang le. Hmun thenkhatah(Khawthenkhat) chuan Kum hlui ni tla hnuhnung ber tur chu New Year Eve ah tlangah te kal khamin an thlah liam fo thin. Kei zawng nunhlui ngaia lunglen aichuan hmalam a beiseina awmte thlir hi ka tum lui ve talh thin. Kei zawng nunhlui ngaia lunglen aichuan hmalam a beiseina awmte thlir hi ka tum lui ve talh thin.
Kum 2011 kum kan thlah liam tak kha mithenkhat tana kum malsawm tak a nih laiin thenkhat tan erawh, an tahna thlentu a lo ni ve tho bawk nen. Mipui an thuhmun fo theilo,..dam leh damlo an awm thin..tih ang deuh kha a ni awm e.
Hma lam hun thlir theilo lek leh, hmalam a Kumthar lo awm tur atana inpuahchah lek lo a, hunhlui ngaih hian awmzia a ei thui meuh lo. Kumtharah Lal Isua nen tiin, kawngkhat tala hmasawnna nei turin kan rilru i siam sauh sauh ang u.
Kan hmalam hun atana ruahmanna kan siam dan a zir hian hma kan sawn dawn nge kan hnungtawlh zawk dawn tih hi a lang thei ruai ruai.
Kum a thar hlawt a, mahni hnaah theuh kan bur tan leh nghl sap sap ang a, eng hna thawk mi nge i nih tih hi itan a pawimawh berlo a. "I hmalam hun atan, he kumtharah hian eng ruahmanna nge i siam" tih hi a pawimawh ber mai chu a ni. Ruahmanna neilo, lawng kartu awmlo ang mai a, boruak leh hun inher velin, a kaih kual mai mai theiha i nun kha i sawh ngheh loh chuan, kum tam a kal hmain, i hming hi mit rilruah a hlu lo tual tual ang. Kan chanpui, kan mihringpuite rilrua hlutna kan neih ve hi dam tinuamtu pakhat ani ve thin.
I hmalam hun a tan hmasawnna kawng khat tal i hmuh theih nan a ruahmanna i siam theih nan KUM THAR CHIBAI KA BUK A CHE.
