A nia sin, khang hun lai kha chuan thil dang leh hun dang zawng zawng ai hian alo thlen hun hi ka nghakhlel thin. Mahse, kum khat teh meuh mai nghakhlel taka lo hmuah chu a rei duhin, bei a dawng lek lek thin.
Masi lo thleng tur hi nghahhlelhna chhan ka nei thin, a hmasa berah chuan School kan chawl dawn a ni. Nia, kum tluanin nitin mai Sikul fawm nen hmanhmawh takin Sikul lam ka pan hnak hnak thin a, Ka Sikul kal Ipte pawh ka Pa in uluk taka ka Sikul Fawm kekawr bang a min thui sak ngat a ni. Sikul kal chu ka nin tawh tehreng nen, ka thiante aia ka thiam har thin avang chuan kan Zirtirtu nelawm loh zet zette chuan min hrem fo thin a, ka sual vanga ni lo a, ka pianpui rilru chu a chak tawk loh vang mai a ni. Chutiang a Sikul kal reng mai chu ka ning satliah lo a, ka kham tak zet. Masi alo thlen hun chuan Sikul kan chawl ang a, ka Zalen tawh dawn a ni.
Pahnihna ah chuan, Masi kawr thar ka nei dawn a ni. Ni e, chhungkaw hausa tak kan nih loh avangin ka Pa nitin puanthuina atanga a hlawh chu kan ei ber a ni thin a, chutianga Fa 4 ngawt mai Sikul kaltir chung chuan Chawhmeh a tha theilo a, kan ei tawk tawk a ni ber mai. Chutih laia kum laklawha kawrthar lei chu danlo a ni tawp mai. Ka beisei phak ngailo. Mahse, Masi hunah chuan ka Unau te nen mipa zawng chu inang thapin kan kawr leh kekawr tur puanthan min lei sak ang a, ka Pa in uluk takin min thui sak leh dawn a ni. Chu ringawt pawh chu kei naupang chhia tan chuan thil nghahhlelhawm tak chu ava ni thin tehlul em.
He chhnadamtu pian cham lo thleng thin hian ka tan chuan malsawmna ava thlen nasa thin em! Ka tan chuan hrehawm tinreng, ka nin hluah hluah thin leh ka neih loh, ka awh em em thinte laka min chhandamtu a ni thin.
Tun thleng pawh hian he hun alo thlen dawn hian ka hre chhuak thin, ka Pa in kan Unau thuamhnaw man tur Zing ni chhuah hlim atanga tlai khawthim thleng rak rak a a thui hnuah, kan thuamhnaw ve tur Urlawk zan a min thui sak thin kha. Ka nu in thingpui sen a siam sak kha phur takin ka pe thin a, kan Unau za chuan ka Pa khawl bulah hlim em emin kan lo kil ve laih thin a.
kan naupan lai min ti ngai kai rawk mai
ReplyDeleteKrismas chibai
ReplyDeleteTun thleng hian masi chu kan la nghakhlel thin alawm! Mahse, naupan laia kan nghah hlelh thin ang kha chu ani tawh lo! Merry Christmas!
ReplyDeleteNaupan lai kha chuan krismas hi a lo hlu a ni, sikul kal a ngai si lo, homework tih a ngai si lo, zan ah lehkha zir a ngai si lo. Thawmhnaw thar neih thla a ni bawk a, tin Masi ruaitheh te hlei hlei kha krismas tinuam tu ber a ni thin. Krismas lai vel hian khua a vawt thei bawk a, inbual erawh a a huphurhawm ber thla niin ka hre ta. I ziak tawi kim khawp mai.
ReplyDeletethil tamtak min ngaihtuah chhuah tir
ReplyDeleteKa nihna nilo mahse, fakna tawngkam chu a der mai pawh nise, ka tan chuan a lawmawm thin a nia.
ReplyDeleteVa han ngaihnawm ve..ka thil tawn ngei te pawh a awm. Ka khua a har e a. Tha hle mai.
ReplyDelete